Yeni mövsüm öncəsi paytaxtın "Bakı" klubu daha bir transfer gerçəkləşdirib.
Korner.az-ın klubun rəsmi saytına istinadən verdiyi məlumata görə, 28 yaşlı argentinalı yarımmüdafiəçi Leandro Rodrigo Beçerra ilə 1 illik (1+1) müqavilə imzalanıb.
Klubun yeni üzvü statusunu qazanan "Çuço" ləqəbli futbolçu 1984-cü ilin 26 yanvar günündə Kordobada (Argentina) anadan olub. 2005-ci ildə peşəkar futbolda ilk qədəmlərini atan Beçerra Meksikanın Merida klubunda çıxış edib. 2006-cı ildə ABŞ-ın "DC United" klubna transfer olunub.
Beçerra növbəti 5 il ərzində Argentina klublarının şərəfini qoruyub. Atletico Rafaelo (2006-07), Tiro Federal (2007-08), Belgrano de Cordoba (2008-09), San Martín de San Juan (2009-10), Atlético Tucumán (2010-11) klublarının şərəfini qoruyan futbolçu 2011-ci ildə Avropaya üz tutub. Beçerra Yunanıstan yüksək liqa təmsilçisi "PAS Ciannina"nın (PAS Giannina) heyətinə dəvət olunub.
Hücumameylli yarımmüdafiəçi əsasən meydanın sol cinahında inamlı təsir bağışlayır. Boyu 175 sm, çəkisi 69 kq-dır. Son mövsüm "PAS Ciannina"nın heyətində Yunanıstan yüksək liqasında çıxış edən Beçerra 7 qola imza atıb
