Azərbaycan Milli Mətbuatının yaranmasının 142-ci ildönümündə idman jurnalistləri arasında mini-futbol matçı keçirən “Azfar Group” şirkəti 31 Dekabr – Dünya Azərbaycanlılarının Həmrəyliyi Günü və Yeni il ərəfəsində yenə ənənəsinə sadiq qalıb.
Bu dəfə “İnter Arena”nın ərazisində yerləşən, şirkətə məxsus stadionda baş tutan görüşdə idman mətbuatının nümayəndələri ilə “Azfar Group”un əməkdaşları üz-üzə gəlib. Dostluq şəraitində keçən qarşılaşmada idman jurnalistləri 9-5 hesabı ilə məğlub olub. Matçın bitimində təşkilatçı şirkət tərəfindən jurnalistlərə ziyafət verilib. “Azfar Group” iştirakçılara hədiyyələr də təqdim edib.