Azarkeşlərə görə “Neftçi”yə xəbərdarlıq edildi
09.04.2024 , 15:08
Bu gün AFFA İntizam Komitəsinin iclası keçirilib.
Korner.az xəbər verir ki, toplantıda Əvəzedicilər Liqasının XXIX turunun oyunları ilə bağlı aşağıdakı qərarlar qəbul edilib:
“Qarabağ-2” – “Səbail-2” oyununda “Qarabağ-2” komandasının 4 futbolçusu sarı vərəqə aldığına görə “Qarabağ-2” komandası 70 manat cərimə edilir (maddə 37);
“Qarabağ-2” – “Səbail-2” oyununun 50-ci dəqiqəsində “Səbail-2” komandasının 62 nömrəli futbolçusu Zaman Zamanlı rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, “Səbail-2” komandası 80 manat cərimə edilir (maddə 41);
“Turan Tovuz-2” – “Sabah-2” oyununda “Turan Tovuz-2” komandasının 5 futbolçusu sarı vərəqə aldığına görə “Turan Tovuz-2” komandası 70 manat cərimə edilir (maddə 37);
“Turan Tovuz-2” – “Sabah-2” oyununda “Sabah-2” komandası matçın ilkin protokolunu PFL-in elektron bazasında gec təsdiq etdiyinə görə “Sabah-2” komandası 100 manat cərimə edilir (maddə 91).
“Zirə-2” – “Qəbələ-2” oyununda “Zirə-2” komandasının 5 futbolçusu sarı vərəqə aldığına görə “Zirə-2” komandası 70 manat cərimə edilir (maddə 37);
“Zirə-2” – “Qəbələ-2” oyununda topdaşıyanların say limiti pozulduğuna görə “Zirə-2” komandası 80 manat cərimə edilir (maddə 74.1);
“Zirə-2” – “Qəbələ-2” oyununda xərəkdaşıyanların say limiti pozulduğuna görə “Zirə-2” komandası 80 manat cərimə edilir (maddə 74.1);
“Neftçi-2” – “Sumqayıt-2” oyununda “Neftçi-2” komandasının 6 futbolçusu sarı vərəqə aldığına görə “Neftçi-2” komandası 70 manat cərimə edilir (maddə 37);
“Neftçi-2” – “Sumqayıt-2” oyununun 32-ci dəqiqəsində “Neftçi-2” komandasının 78 nömrəli futbolçusu Elcan Əbilov ikinci sarıdan qırmızı vərəqə aldığına görə 1 oyun cəzalanır, “Neftçi-2” komandası 50 manat cərimə edilir (maddə 37);
“Neftçi-2” – “Sumqayıt-2” oyununun 90+5-ci dəqiqəsində “Neftçi-2” komandasının 91 nömrəli futbolçusu Ağadadaş Salyanskiy qeyri-etik ifadə və ya hərəkətə görə (rəsmi şəxsə qarşı qeyri-etik jest etdiyinə görə) birbaşa qırmızı vərəqə aldığı üçün 4 oyun cəzalanır, “Neftçi-2” komandası 300 manat cərimə edilir (maddə 43.3);
“Neftçi-2” – “Sumqayıt-2” oyununa Təcili Tibbi Yardım avtomobili təyin edilmiş vaxtdan gec gəldiyinə görə “Neftçi-2” komandası 100 manat cərimə edilir (maddə 72.4);
“Neftçi-2” – “Sumqayıt-2” oyununun 90+5-ci dəqiqəsində “Neftçi-2” komandasının azarkeşləri tərəfindən hakimlər kütləvi şəkildə təhqir edildiyinə görə və bu hal cari mövsümdə ilk dəfə yaşandığı üçün “Neftçi-2” komandasına xəbərdarlıq edilir (maddə 43.7);
“Neftçi-2” – “Sumqayıt-2” oyunu bitdikdən sonra təhlükəsizlik tam təmin edilmədiyinə görə “Neftçi-2” komandası 400 manat cərimə edilir (maddə 51.1);
“Neftçi-2” – “Sumqayıt-2” oyununda “Sumqayıt-2” komandasının 5 futbolçusu sarı vərəqə aldığına görə “Sumqayıt-2” komandası 70 manat cərimə edilir (maddə 37).
