Gənclər və idman naziri Azad Rəhimov Bakı olimpiya stadionunun çökməsi ilə bağlı yayılan məlumatlara aydnlıq gətirib.
Korner.az-ın “Qafqazinfo”ya istinadən yaydığı xəbərə görə, nazir bildirib ki, Olimpiya stadionunda gözәl işlәr aparılır:
“Stadionda yüzlərlə insan işlәyir. Әgәr hansısa bir problem yaransaydı, heç kim orada işlәmәzdi. Bu xəbərlər Azәrbaycanda keçirilәn Avropa oyunlarına zәrbә vurmaq üçündür. Azәrbaycanda şayiәlәr çoxdur. Bu da onlardan biridir”.
Azad Rәhimov ermәnilәrin Avropa oyunlarında iştirakı ilә bağlı sualı da cavablandırıb. O bildirib ki, Avropanın bütün ölkәlәri Bakıya dəvətlidir: “Biz bütün komandaları vә onların bura gәlәn idmançılarının sayını izlәyirik. Eşitdim ki, ermәnilәrin yunan-roma gülәşçilәri vә gimnastları Azәrbaycana gәlmәk istәmir. Dünәn Ermәnistan Milli Olimpiya komitәsi dә iclas keçirib vә qәrar qәbul edib ki, ermәni idmançıları Avropa oyunlarında iştirak etmәkdә sәrbәstdir”.
Nazir qeyd edib ki, Avropa oyunlarına görə sahibsiz küçə itlərinin öldürülməsi ilə bağlı heç bir tapşırıq verilməyib:
“Biz itlәrin öldürülmәsi ilә bağlı tapşırıq vermәmişik. Bu, epidemiya, ya da ekologiya ilә bağlı ola bilır. Onlar tәhlükәlidir deyә öldürülür. Amma mәn o itlәrin öldürülmәsinin tәrәfdarı deyilәm. Onlar üçün xüsusi sığınacaqlar tikilsә, daha yaxşı olar. Heydər Əliyev Fondunun vitse-prezidenti Leyla xanım Әliyevanın sahibsiz itlәrə sığınacaq verilməsi ilə bağlı layihəsi var.
Sizә bir әhvalat danışım. Bir dәfә bağ evimә gedəndə itlәrin әhatәsinә düşdüm. Onlar mәni parçalamağa hazır idilәr. Maşınların sayәsindә hәmin itlәrdәn qurtuldum. Mәn yenә deyirәm ki, biz bu itlәrә sığınacaqlar düzəltməliyik”.
Nazir Avropa Oyunları ərəfəsində toy və yaslara qadağa qoyulmasına da aydınlıq gətirib: “Avropa oyunları zamanı həm toylara, həm də yaslara icazә olacaq. Elә özüm hәmin vaxt toya dәvәtliyәm. Belә şeylәrә uymayın”.
Nazir sonda vətəndaşlardan bu cür nüfuzlu yarışa kölgә salmaq üçün yayılan şayiәlәrә uymamağı xahiş edib.
