"Qəbələdə çətin dövr keçirdim. Orada olduğum müddətdə çoxlu stress keçirdim. Guya ki orada oyunlar keçirilir, ancaq əslində hər şey korrupsiyalaşdırılıb. Oyunçular da, hakimlər də korrupsiyalaşdırılıb. Bilmirəm orda mənim sözlərimə sevinəcəklərmi. Əgər siz məni bir daha görməsəniz, onda niyəsini bilirsiniz”.
Korner.az-ın məlumatına görə, bu sözləri “Qəbələ”nin sabiq müdafiəçisi Stiv Olfers Hollandiya mətbuatına müsahibəsində deyib.
Hollandiyalı futbolçu daha sonra bunları deyib:
"Bəzi klubların varlı sahibləri var. Onlar futbola hobbi gözü ilə baxırlar. Yəni bu idman növünü o qədər də ciddi qəbul etmirlər. Pulları var, yeni, gözəl stadionlar tikirlər. Amma meydançalar pis vəziyyətdədi, şərait yoxdu. Azərbaycanda istedadlar çoxdu, lakin şans qazana bilmirlər.
Qəbələ əvvəllər ziyarətgah yeri olub. Amma indi ora heç kim getmir. Bu, həqiqətən çox köhnə rayondu. Mənim ailəm Bakıda qalırdı. Qəbələdən Bakıya üç saatlıq yol idi. Mən demək olar ki, boş olan bir oteldə qalırdım”.
