“Arsenal” klubu futbolçusu Aleksis Sançesin “Mançester Yunayted”ə transferindən sonra onun əvəzinə yeni hücumçu transfer etmək niyyətindədir. Son bir neçə gündür yayılan bir sıra xəbərlərə görə “topçular” “Borussiya”dan Pyer-Emerik Obameyanqı transfer etmək niyyətindədir.
Britaniya və Almaniya mətbuatında verilən məlumata görə, Aleksis Sançesin gedişindən sonra “Mançester Yunayted”dən Henrix Mxitaryanı transfer edən “Arsenal” erməni futbolçunun keçmiş komanda yoldaşı Pyer-Emerik Obameyanq transferini də həll etmək üzrədir. “Borussiya” tərəfi Obameyanqın əvəzinə londonlulardan Olivye Jirunu istəyir. Danışıqların ilkin mərhələsində belə bir şərt olmadığına görə keçid müəyyən olduğu vaxtdan bir qədər gec baş tutur.
Hər iki klubun rəhbərliyinin görüşündən və aparılan danışıqlardan sonra londonlular Jirunu Almaniya klubuna icarəyə verməyə razılıq verib. Obameyanq isə “Arsenal”ın tam hüquqlu futbolçusu olacaq. Keçidin yaxın 48 saat ərzndə rəsmən açıqlanacağı deyilir.
