Topaz Premyer Liqasının 13-cü turunun açılış oyununda “Rəvan” doğma meydanda “Sumqayıt” klubunu qəbul edib.
Korner.az-ın məlumatına görə, tərəflərin hərəyə bir qol vurduğu qarşılaşma 1-1 hesablı heç-heçə ilə başa çatıb.
Aqil Məmmədov, “Sumqayıt” klubunun baş məşqçisi: “Oyun çox maraqlı keçdi. Nəticədən də, oyundan da razıyam. Düşünürəm ki, iki xal itirdik. Komandaya oyuna görə təşəkkür edirəm. Premyer Liqamızda məğlub edilməz komanda yoxdur. Aqşin Muxtaroğlu müdfiəyə meylli oyunçu olduğu üçün onu bu gün oyuna buraxmadım. Kərim Diniyevin heyətə düşməməsi isə atası ilə əlaqədar deyil. Seçimim belə oldu”.
