Topaz Premyer Liqasının XXIV turunda Zaqatalada "Simurq"un qonağı olacaq "Bakı" hazırlıqlarını klubun bazasında keçirdiyi məşqlə davam etdirir.
Korner.az-ın klubun rəsmi saytına isitnadən yaydığı xəbərə görə, bugünkü məşqdə milli komanda heyyətində Portuqaliyaya qarşı oyunda yüngül zədə alan Rauf Əliyev, hərarəti olan Cavid Hüseynov, U-21 milli komandamızın Avstriyada keçirdiyi təlim-məşq toplantısına qatılan Şəhriyar Əliyev, Nurlan Novruzov və Litva yığmasının düşərgəsində olan Deyvidas Çesnauskis yer almayıb.
Novruz Məmmədov və Vinston Parks fərdi çalışarkən, milli komandadan qayıdan Elvin Məmmədov qaçışla kifayətlənib.
Bakıda son məqşini keçirən komanda sabah (28 mart 2013) Zaqatalaya yola düşəcək.
Xatırladaq ki, Azərbaycan Topaz Premyer Liqasının XXIV turunun "Simurq"-"Bakı" qarşılşaması 30 mart 2013-cü il tarixində Zaqatala şəhər stadionunda baş tutacaq.
