Dünən Azərbaycan Birinci divizionunun 14-cü turu çərçivəsində “Neftçala” “Araz Naxçıvan”ı 1:0 hesabı ilə məğlub edib.
Korner.az-ın məlumatına görə, matçdan sonra qonaqların baş məşqçisi Əsgər Abdullayev jurnalistlərə açıqlamasında komandasının oyunundan narazıı qaldığını bildirib:
“Oyun barədə danışmaq istəmirəm. Hər şeyi özünüz gördünüz. Mənim deməyimə ehtiyac yoxdur. Komandamdan çox narazı qaldım“.
Əsgər Abdullayev daha sonra ilk dəfə məğlub olmaları barəsində fikirlərini bildirib:
“Məğlubedilməz komanda yoxdur. Bizim komanda həmişə qalib gəlməlidir deyə bir qanunda yoxdur. Bəlkə də, bu komandamıza ayılması üçün vaxtında vurulmuş sillə idi. Bundan özümüzə nəticə çıxartmalıyıq.“
Təcrübəli baş məşqçisi sonda qış çempionu olmaqdan başqa heç bir şansları olmadıqlarını bildirib:
“Bizim başqa seçimimiz yoxdur. “Qaradağ Lökbatan”a qalib gəlib, qış fasiləsinə çempion olaraq gedəcəyik“.
