"Qarabağ"ın futbolçusu Əfran İsmayılovun Korner.az-a müsahibəsi
-Premyer Liqanın son turunda "İnter"lə heç-heçə oynadız. Bu oyunla bağlı nə deyərdin?
"İnter" güclü bir rəqibdi, həm də onların meydanında oynayırdıq. Çətin rəqib olmasına baxmayaraq çalışırdıq ki, qələbə qazanaq. Baxmayaraq ki, oyunda hesabı açan tərəf biz olduq. Lakin bu üstünlüyümüzü oyunun sonuna kimi davam etdirə bilmədik. Qazanılan bir xala da şükür etmək lazımdı.
-Son dəqiqədə qol buraxdınız. Lakin oyunboyu qələbəyə "İnter" daha istəkli görünürdü…
Birinci hissə sönük oyun getdi. Lakin ikinci hissədə fəallıq artdı. Həm bizim, həm də "İnter"in çoxlu qol imkanı olsa da, sonda bir xal qazandıq. Bu oyunla yanaşı qarşıda daha ağır matçlar var və bu oyunlarda da yaxşı nəticələr qazanmalıyıq.
-Bu heç-heçədən sonra lider "Neftçi"ni 7 xal önə buraxdız. "Xəzər Lənkəran" isə qələbə qazanıb sizi üçüncü pilləyə saldı. Çempionluq və eləcə də, avrokuboklara vəsiqə qazanmaq şanslarını necə dəyərləndirirsən?
Düzdü bu 1 xal çempionluq yolunda heç nəyə bəs etmir. Ancaq ümid yenədə qalır. Əlimizdən gələni edirik ki, avrokuboklara vəsiqə qazanaq. Bu heç-heçədən əvəl biz "Xəzər Lənkəran"dan öndə idik. Lakin indi isə onlar qabağa keçib. Ola bilər ki, qarşıdakı oyunlarda yenidən "Xəzər Lənkəran"ı ötüb keçək və ikinciliyimizi qaytaraq.
-Qarşıdan "Qəbələ" ilə oyun gəlir. Bu oyunla bağlı fikirlərini öyrənmək istərdim.
"Qəbələ" bamayaraq ki, son iki oyununda məğlub olub biz bu oyuna ciddi hazırlaşırıq. Qələbə qazanmağa borcluyuq. Yoxsa vəziyyətimizi çətinləşdirmiş olacağıq. Onlar da çalışacaqlar ki, son uğursuzluqları qələbə qazanmaqla azarkeşlərinə unutdursunlar. "Qəbələ"nin güclü hücum xətti var. Yaxşı komanda qurulub və bizimlə oyunda onlar ancaq qələbəyə köklənəcəklər.
-İstər Premyer Liqada, istərsə də kubokda "Qəbələ" ilə tez-tez qarşılaşırsız və onlara qarşı oyununuzda demək olar ki, alnımır…
Deməzdim alınmır. Ola bilər ki, "Qəbələ" ayrı bir sxemdə oynayır, ondandı… Ancaq komanda bu oyuna da yaxşı hazırlaşır və hədəf 3 xal qazanmaqdı.
Səxavət QURBANOV
