Premyer Liqasının 28-ci turunda "Turan" doğma meydanda "Simurq"u qəbul edib. Qarşılaşma qolsuz bərabərliklə başa çatıb. Korner.az-ın məlumatına görə, “Simurq” un baş məşqçisi Georgi Çixradze oyundan sonra keçirilən mətbuat konfransında qarşılarına qoyduqları vəzifədən danışıb:
“Çox ağır oyun keçdi. Meydançanın vəziyyətini, rəqibin kimliyini və turnir cədvəlindəki mövqeyimizi nəzərə alaraq bugünkü oyunda mütləq qalib gəlmək istəyirdik. Hər iki komandanın qol imkanları olsa da, heç biri istifadə edə bilmədi. Premyer Liqada qalmağı qarşımıza məqsəd qoymuşuq. Buna çalışacağıq”.
