Bu gün "Bakı" futbol klubunun vitse-prezidenti və baş meneceri Zeynal Məmmədovun ad günüdür. Zeynal Məmmədov 1969-cu ilin 1 may günündə ziyalı ailəsində anadan olub. Bu gün onun 43 yaşı tamam olur.
Zeynal Məmmədov 1 may1969-cu il tarixdə Naxçıvan MR-nin Naxçıvan şəhərində anadan olmuşdur. 1976-1981-cı illərdə Naxçıvan şəhəri 3 saylı orta məktəbində oxumuşdur.
1981-1986-ci illərdə orta təhsilini Bakı şəhəri, Binəqədi rayonu 248 saylı məktəbində almışdır. 1986-cı ildə Azərbaycan Dövlət Xalq Təsərüfatı Institutuna daxil olmuşdur.
1987-1989-cu illərdə hərbi xidmətdə olmuşdur. 1994-cü ildə Azərbaycan Dövlət Xalq Təsərüfatı Institutununun Maddi- texniki təchizat fakültəsinin (Azərbaycan İqtisad Universiteti) Iqtisadçı mühasib ixtisasını bitirmişdir.
1996–2000- ci illərdə Bakı Dövlət Universitetinin Hüquq Fakültəsində Hüquqşünas ixtisası üzrə ikinci təhsil almışdır.2004-cü ilin may ayından “Bakı” futbol klubunda baş menecer və vitse-prezident vəzifələrində çalışır.
Azərbaycan, rus və ingilis dillərində sərbəst danışır.
Ailəlidir. 3 övladı var.
Korner.az saytının kollektivi Zeynal bəyi bu şad günü münasibəti ilə təbrik edir, cansağlıqı, işlərində müvəffəqiyyətlər arzu edir.
