İspaniya La Liqasında bombardirlik siyahısında "at oynadan" Kristiano Ronaldo və Lionel Messi bizim klubları geridə qoymağı bacarıb. Korner.az-ın xəbərinə görə, dünyanın iki super ulduzu La Liqada atdığı qol sayına görə bizim Premyer Liqa klublarının ümumilikdə atdıqları qol sayından çoxdu. Belə ki, klublarımız arasında bu mövsüm çempionluqunu rəsmiləşdirmiş "Neftçi" sona iki tur qalmış 30 matçda rəqib qapıçıları 55 dəfə məyus etməyi bacarıb. Digər iddialı klublarımızda isə bu göstərici maraqlı anları üzə çıxardır.
Belə ki, "Barselona" və Madrid "Real"ının futbolçuları La Liqada hərəyə 43 dəfə fərqlənməyi bacarıb. Messi və Ronaldonun rəqib qapıçılara vurduqları 43 topu bizim Premyer Liqada ilk "altılığ"da cəmləşən "Xəzər Lənkəran", "İnter", "Qarabağ" "Qəbələ" və "Bakı" rəqib qapıçılarına vurmağı bacarmayıb:
Messi – 43 qol + Ronaldo – 43 qol
Premyer Liqa klublarımızın vurduqları toplar 30 tura vurduqları qol sayı
"Xəzər Lənkəran" 39 qol
"İnter" – 28 qol
"Qarabağ" – 35 qol
"Qəbələ" – 41 qol
"Bakı" – 40 qol
Gördüyünüz kimi bir futbolçu bizim Premyer Liqada ən iddialı komandamızın ("Neftçi" xaric) 11 futbolçusunun bacarmadığını edə bilib.
Lakin "Neftçi" 55 qolla Messi və Ronaldonun toplam qol sayını geridə qoya bilsə də, ilk "altılğ"da görünməmiş statistika ikinci "altılığ"da mövcuddu.
Avrokuboklara vəsiqə qazanmaq üçün tər tökən klublarımızdan fərqli ikinci "altılığ"da mübarizə aparan AZAL Messi və Ronaldonun La Liqada vurduğu toplam qol sayı ilə bərabərdi. "Təyyarəçilər" 30 tura rəqib qapısından 43 top keçirməsinə baxmayaraq hələ qarşıda 2 turun qaldığınıda nəzərə alsaq Messi+Ronaldo+AZAL "qarşıdurması" son turadək davam edəcək.
Səxavət QURBANOV
