Bu gün ölkə mətbuatında “Xəzər Lənkəran”ın transferə çıxardığı Elnur Cəfərovun İspaniya Sequndasında çıxış edən “Ovyedo”nun düşərgəsinə yollandığı barədə xəbər yayılıb.
Korner.az-ın məlumatına görə, məsələylə bağlı Lənkəran təmsilçisinin mətbuat xidmətinin rəhbəri Hüseyn Cəbrayıloğluyla əlaqə saxladıq. Klub rəsmisi Komanda.az-a açıqlamasında futbolçunun İspaniyaya yollandığını təsdiqlədi:
“Bəli, Elnur İspaniyaya yollanıb. Ancaq “Ovyedo”dan bizə heç bir müraciət olmayıb. Sadəcə, Elnur bu komandaya baxışa yollanacağı barədə kluba məlumat verib. O, artıq İspaniyadadı”.
“Ovyedo” hazırda İspaniya Sequndasında 3-cü pillədə qərarlaşıb. Komanda 25 turdan sonra 42 xalla 3-cü pillədə qərarlaşıb. “Ovyedo” lider “Alaves”dən 5 xal geri qalır.
