Bu gün Avropa Liqasının II təsnifat mərhələsinin növbəti cavab görüşləri keçirilib.
Korner.az-ın məlumatına görə, "İnter" Yunanıstanda və "Xəzər Lənkəran" isə Polşada meydana çıxıb.
İlk olaraq "İnter" Tripolisdə "Asteras"ın qonaqı olub. İlk oyunda qeydə alınan 1:1-lik heç-heçədən sonra "bankirlər" səfər meydanında mütləq qol vurmalı idi. Kaxaber Sxadadzenin rəhbərlik etdiyi kollektiv ikinci hissədə geri düşsə də, Tales Şütslə sona 2 dəqiqə qalmış status-kvonunu bərpa etdi.
Əlavə 30 dəqiqədə də hesab açılmayınca, cütün taleyini penaltilər həll etdi. "Lotoreya" yenə "İnter"ə düşmədi. "Asteras" 4:2 hesabı ilə qələbə qazanıb, növbəti mərhələyə yüksəldi.
İlk oyunda "İnter" kimi evdə 1:1 hesabı ilə heç-heçə oynayan digər təmsilçimiz "Xəzər Lənkəran" isə Poznanda "Lex"in qonağı idi. Matçın artıq 15-ci dəqiqəsində polyaklar Kamran Ağayevin qoruduğu qapıya yol tapdı. Bundan sonra daha üstün oynayan "Xəzər Lənkəran" nə qədər çalışsa da cavab qolunu vurmayınca Avropa Liqasına vida etdi.
Avropa Liqasında II turun cavab qarşılaşmaları.
22:00. "Asteras" (Yunanıstan) – "İnter" (AZƏRBAYCAN) 1:1 (Penaltilər seriyası – 4:2)
QOL: Navarro 68, T.Şüts 88
"Asteras": – + + + +
"İnter": – + – +
23:00. "Lex" (Poşa) – "Xəzər Lənkəran" (AZƏRBAYCAN) 1:0
QOL: Tonev 15
“LEX”: 1. Jasmin Buriç, 5, Manuel Arboleda, 6, Lukasz Tralka, 14, Vojo Ubiparip, 16, Rafal Muravski (k), 18, Bartosz Slusarski, 20. Hubert Volakieviç, 24. Alexandar Tonev, 25. Luis Henriquez, 32. Mateuş Mozdzen, 35. Marçin Kaminski
Ehtiyat oyunçular: 27. Kristof Kotorovski, 3. İvan Djurdeviç, 4. Tomaş Kedziora, 7. Yakub Vilk, 8. Yaçek Kilb, 11. Gerqo Lovrençiks, 28. Bartoş Bereşinski
Baş məşqçi: Mariuş Rumak
“XƏZƏR LƏNKƏRAN”:1. Kamran Agayev, 5 Elnur Allahverdiyev, 6 Robert Alviz, 7. Sadio Tounkara, 8 . Eder Bonfim, 9. Branimir Subaşiç, 14. Rahid Amirguliyev (k), 15. Ruslan Abışov, 16, Adrian Pit, 21. Radomir Todorov, 27. Manuel Skarlatake.
Ehtiyat oyunçular: 85. Kamal Bayramov, 4. Akif Tağıyev, 10. Elnur Abdullayev, 11. Rendall Brenes, 18. Alim Qurbanov, 42. Kamran Abdullazadə, 81. Rikardo Qomeş
Baş məşqçi: Yunis Hüseynov
