.jpg)
Avropa Liqasının ikinci təsnifat mərhələsinin cavab qarşılaşmaları çərçivəsində "Xəzər Lənkəran" Polşada "Lex"in qonağı oldu və 15-ci dəqiqədə qapısında gördüyü qola cavab verməyincə məğlub olaraq, mübarizəni dayandırdı. Korner.az-ın məlumatına görə, oyun bir çox statistik göstəricilərində maraq doğurur.
Belə ki, 25 mindən çox azarkeşin dəstəyi altında "Munisipal" arenada "Lex" "Xəzər Lənkəran"dan oyun cəhətdən heç də üstün oynamırdı. Poznan təmsilçisi qapımıza 12 zərbə vurduğu hal da, bu Cənub təmsilçisində 19-a çatdı.
"Lex" qapı çərçivısinə 7 zərbə endirdi ki, bundan biri qol oldu. "Xəzər Lənkəran"da isə bu göstərici biabırçı həddə idi. Cəmi 1 zərbə.
Oyun boyu intizamsızlıqı ilə seçilən "Lex"li futbolçular 21 dəfə qaydanı pozdularsa "Xəzər Lənkəran"da bu rəqəm cəmi 9 idi. Ancaq maraqlısı budur ki, cəmi 9 dəfə qayda pozan "ağ-yaşıllar"da Rahid Əmirquliyev ikinci sarı vərəqəni alaraq meydanı tərk etdi.
"Xəzər Lənkəran" künc zərbələrində də, lider oldu. Yunis Hüseynovun komandası 7 dəfə küncdən topu oyuna daxil etdisə, "Lex"də bu rəqəm 4 idi.
Göründüyü kimi statistikalara hegemonluq edən "Xəzər Lənkəran", mərhələ adlayaraq azarkeşinə sevinc bəxş edən isə "Lex" oldu.
Səxavət QURBANOV
