Topaz Premyer Liqasının 5-ci turunda “Qəbələ” ilə qaşılaşan “Xəzər Lənkəran” Qəbələdə qalaraq “Qafqaz Resort” otelində məskunlaşıb. Milli komandaların DÇ 2014-in seçmə mərhələsinin oyunları ərəfəsində çempianatda yaranan fasilədən istifadə edən “Xəzər Lənkəran” qısa müddətli təlim-məşq toplanışına başlayıb.
Koner.az-ın məlumatına görə, uelsli mütəxəssis Con Toşakın yetirmələri “Qəbələ” Futbol klubunun meydançalarında məşq keçir. Komanda toplanışa tam heyətlə qoşulub. Yalnız Azərbaycan millisinə çağırılan Rahid Əmirquliyev, Elnur Allahverdiyev və Rasim Ramaldanov, Makedoniya millisinə cəlb olunan Nikola Qliqorov, həmçinin Azərbaycanın U-21 millisinin üzvləri Orxan Sadıqlı və Ağabala Ramazanov beynəlxaq oyunlarla əlaqədar toplanışda iştirak edə bilmirlər.