.jpg)
“Xəzər Lənkəran” Topaz Premyer Liqasının XXI turunda qonağı olacağı “Qəbələ” ilə matç bu rəqiblə tarixində yubiley – 20-ci oyun olacaq.
Korner.az-ın məlumatına görə, əyalət təmsilçiləri indiyədək 17 çempionat və 2 kubok matçında üz-üzə gəlib. “Ağ-yaşıllar” 9 illik tarixində 10-cu dəfə “Qəbələ”nin qonağı olacaq. Səfərdə 5 qələbəsi olan lənkəranlılar 2 heç-heçə edib və 2 dəfə uduzub. Rəqib meydanında 13 qola imza atan cənublular 8-ni buraxıb.
İndiyədək olan matçların balansında aşkar üstünlüyə malik “Xəzər Lənkəran” 11 dəfə qalib gəlib, 5 dəfə bərabərlik edib və 3 dəfə məğlub olub. Top fərqində də lənkəranlıların üstünlüyü aşkar görünür – 31:15.
Bu məhsuldarlığın nəticəsidir ki, “Xəzər Lənkəran” tarixi ərzində yalnız 1 dəfə “Qəbələ”nin qapısına yol tapmayıb. Komanda həmin oyundan sonra isə ardıcıl 5 oyundur meydanı qolsuz tərk etmir.
“Xəzər Lənkəran”ın “Qəbələ” ilə matçlarda vurduğu 31 qolu isə 17 futbolçu imza atıb. Kubok oyununda avtoqol müəllifi kimi tarixə düşən “Qəbələ”li İrakli Vaşakidze istisna olmaqla “Xəzər Lənkəran”ın 16 üzvü rəqib qapısına yol tapıb. Zaur Ramazanov hamıdan çox – 6, indi “Qəbələ”də çıxış edən Rəşad Abdullayev 4, Rahid Əmirquliyevlə Allan Lalin hərəyə 3, Emeka Opara və Emin Quliyev hərəyə 2 dəfə bu rəqibin qapısına yol tapıb.
2006/07 09.12.2006 çempionat e 4:0
2006/07 23.05.2007 çempionat s 3:0
2007/08 30.09.2007 çempionat e 2:1
2007/08 05.04.2008 çempionat s 1:1
2007/08 09.04.2008 kubok s 3:1
2007/08 23.04.2008 kubok e 1:1
2008/09 15.11.2008 çempionat s 1:0
2008/09 03.05.2009 çempionat e 1:2
2009/10 19.09.2009 çempionat s 1:1
2009/10 19.12.2009 çempionat e 1:0
2009/10 12.03.2010 çempionat e 4:1
2009/10 17.04.2010 çempionat s 2:1
2010/11 07.08.2010 çempionat e 1:0
2010/11 06.11.2010 çempionat s 0:1
2011/12 23.09.2011 çempionat e 2:1
2011/12 21.02.2012 çempionat s 1:2
2011/12 07.04.2012 çempionat s 1:0
2011/12 05.05.2012 çempionat e 1:1
2012/13 21.10.2012 çempionat e 1:1
