Ramiz Məmmədov: “Xəzər Lənkəran” Qəbələyə xal və ya xallar dalınca gəlir”

“XXI turda bizi “Xəzər Lənkəran”la çətin mübarizə gözləyir. Matça bütün oyunlara olduğu kimi ciddi hazırlaşmışıq. İnanıram ki, maksimum nəticə qazanıb “altılıq”dakı yerimizi təmin edəcəyik”.

Korner.az-ın məlumatına görə, bu sözləri “Qəbələ”nin baş məşqçisi Ramiz Məmmədov klubun rəsmi saytına açıqlamasında deyib.

45 yaşlı mütəxəssis Premyer Liqanın XXI turu çərçivəsində baş tutacaq “Xəzər Lənkəran”la oyun haqda fikirlərini açıqlayıb.

“Komandanın hər bir fərdi, hər bir futbolçusu üzərinə düşən məsuliyyəti çox gözəl dərk edir, anlayır. Kollektiv olaraq yalnız qələbəyə köklənmişik. Komandada yüksək ab-hava, gözəl atmosfer hökm sürür. Heyətdə bir müddətdir zədəli olan Rövşən Əmiraslanovdan başqa cəzalı və ya zədəli futbolçu yoxdur. Lənkəran təmsilçisi də Qəbələyə xal və ya xallar dalınca gəlir. Bu baxımdan bizi maraqlı və gərgin mübarizə gözləyir”.

Qeyd edək ki, “Qəbələ” – “Xəzər Lənkəran” matçı fevralın 23-də baş tutacaq.