“Xəzər Lənkəran” azarkeşləri nəinki çempionat və kubok yarışmasının səfər oyunlarında, hətta komandanın qatıldığı Avropa miqyaslı turnirlərin səfər matçlarında da daim tribunalarda yer alır sevimli futbolçularına dəstək olurlar.
Korner.az 12cioyuncu.info azarkeş saytına istinadən xəbər verir ki, fəal azarkeşlərin yenə də öz ənənələrinə sadiq qalmaq fikrindədirlər. Beləki, Avroliqanın I təsnifat mərhələsində səfərdə Maltanın “Slima Vonderers” klubu ilə Slima şəhərinin 17000 azarkeş tutumu olan “Ta Kali” stadionunda keçirəcəyi oyunda iştirak etmək istəyən azarkeşlər artıq bu səfər qarşılaşmasına hazırlıqlara start veriblər. Maltaya öz hesablarına gedəcək 10-a yaxın azarkeşlər “Xəzər Lənkəran” klubunun azarkeşlər üzrə koordinatoru Qurbanəli Məmmədova Malta səfərinin təşkilatçılığını öz üzrəinə götürməsi xahişi ilə müraciət ediblər.
Klubun azarkeşlər üzrə kordinatoru da onların xahişini müsbət cavablandıraraq, məmnuniyyətlə daha rahat və daha ucuz marşurut varianlarının qurulması, şengen vizasının alınmasında kömək etmək və azarkeşlərin bir yerdə gedib qayıtması işinin təşkilində iştiraka razılıq verib. Verilən məlumata görə azarkeşlər yollarını Macarıstanın paytaxtı Budapeştdən salacaqlar.
Qeyd edək ki, Türkiyənin İstanbul şəhərinə oradan da Maltanın paytaxtı Valettaya getməyin xərcləri daha çox olduğundan, məhz Bakı-Budapeşt-Valetta reysinə üstünlük verəcək azarkeşlər adam başı 500-550 avro xərcə düşməli olacaqlar. Bu məbləğin 350-avrosu təyyarə biletlərinə, qalanları isə otel və digər xərclərə sərf olunacaq. Ümumilikdə 4-gün sürəcək Malta səfərinin yol marşurutunu futbolsevərlər artıq günlər və saatlar üzrə də müəyyənləşdiriblər.
Belə ki, bir gün Budapeştdə gecələyəcək azarkeşlər daha iki gün də Maltada qalacaq və oyuna qədər olan vaxtı səmərəli keçirmək məqsədi ilə Maltanın görməli yerlərində gəzintilərə çıxacaqlar.
