Çempionlar Liqası III təsnifat mərhələsində güclü “Zaltsburq”a 2 matçın nəticəsinə görə uduzaraq Avroliqanın pley-ofunda oynamaq hüququ qazanan “Qarabağ” növbəti oyununa çıxacaq.
Rəqib Hollandiyanın köklü klublarından olan “Tvente” komandasıdır. Rəqiblər bir-birinə tanışdı. Belə ki, 5 il əvvəl elə pley-offda görüşən bu rəqiblərin ilk matçında “Tvente” doğma meydanda 3-1 hesablı qələbəyə sevinmişdi. Cavab matçında isə hesab açılamamışdır. İndisə hər iki komandada ciddi fərqlər var.
Belə ki, “Qarabağ” indi daha iddialı “Tvente” isə əvvəlki gücündə olmayan komandadı. Etiraf etmək lazımdır ki, söhbət Hollandiya klubundan gedirsə rəqibin gücünü kiçiltmək yalnışdır. “Qarabağ”ın “Tvente”dən daha güclü saya biləcəyimiz “Zaltsburq”a qarşı mübarizəsini göz önünə gətirdikdə təmsilçimizin hollandları keçmək ehtimalı daha da artır. Şübhəsiz ki, Tofiq Bəhramov adına respublika stadionu yenə azarkeşlərlə tam dolu olacaq. “Qarabağ” isə güclü azarkeş dəstəyilə cütün taleyini elə Bakıda həll etməyə çalışacaq.