“Trabzonspor”un baş məşqçisi Şota Arveladze istefa verib.
Korner.az-ın məlumatına görə, komandanın kapitanı Onur Kıvrakın heyətdən kənarlaşdırılmasından sonra istefa verən baş menecer Süleyman Hurmanın ardınca gürcü mütəхəssis də postunu tərk edib
Arveladze istefasını belə əsaslandırıb: “Məni buraya Süleyman Hurma gətirib. Hansısa futbolçu intizamsızlıq edirsə, mənim də komandada qalmağım düz çıxmaz. Buna görə də, istefa verdim”.
Arveladzenin istefasını eşidən Hurma isə dərhal onunla görüşərək, Avropa Liqasının III təsnifat mərhələsi çərçivəsində “Rabotniçki” ilə oyundan öncə istefa verməsinin yanlış qərar olduğunu bildirib və ən azından, matç bitənə qədər gözləməyini məsləhət görüb. Təklifi qəbul edən Arveladzenin oyundan sonra istefa ərizəsini rəhbərliyə təqdim etməsi gözlənilir.