Çempionlar Liqasının 1/8 finalında “Çelsi” ilə qarşılaşmada zədələnən “Qalatasaray”ın futbolçusu Didye Droqbanın bu gün superliqada “Fənərbağça” ilə oyunda meydana çıxa bilər.
Korner.az-ın Türkiyə mətbuatına istinadən yaydığı xəbərə görə, klubun rəsmi saytına açıqlama verən təcrübəli hücumçu oyuna hazır olduğunu deyib:
“Ağrılarım qurtarıb. Tək ayaqla olsa da, “Fənərbağça”ya qarşı mütləq oynayacağam. Böyük oyunları sevirəm. “Fənərbağça”ya qol vurmaq istəyirəm. Yenidən azarkeşlərin qarşısına çıxmaq üçün səbirsizlənirəm”.
Qeyd edək ki, “Qalatasaray” – “Fənərbağça” matçı bu gün yerli vaxtla 19:00-da (Bakı vaxtı ilə 21:00-da) başlayacaq.