“Sumqayıt” ciddi itki ilə üzləşib.
Korner.az-ın məlumatına görə, baş məşqçi Aqil Məmmədov Məhəmməd Mirzəbəyovun xidmətindən məhrum olub.
Belə ki, futbolçu cəzalı duruma düşüb. XXII turun “Simurq”la matçının start heyətində yer alan futbolçu 7-ci dəqiqədə qeyri-idman hərəkətinə görə cəzalanaraq vərəqə limitini doldurub. Bu səbəbdən Məhəmməd XXIII turun “Neftçi” ilə matçını buraxacaq.
Qeyd edək ki, müdafiəçi X turun “Qarabağ”, XIV turun “Simurq” və XV turun “Neftçi” ilə oyunlarında qeyri-idman hərəkətinə görə sarı vərəqə almışdı.
Onu da qeyd edək ki, “Simurq”la oyunda qırmızı vərəqə alan Vurğun Hüseynov da “Neftçi” matçını buraxacaq.
