Adı “Cahangir Hacıyev işi”ndə hallanaraq saxlanılmış sabiq deputat, “Simurq”un sponsorlarından Dünyamin Xəlilova məxsus “Globus Plaza” satışa çıxarılıb.
Korner.az aznews.az-a istinadən xəbər verir ki, Xəlilovun saxlanılmasından sonra plazada axtarış işləri həyata keçirilib və kassalar möhürlənib.
Plazanın mühasibləri isə dindirilmək üçün Baş Mütəşəkkil Cinayətkarlıqla Mübarizə İdarəsinə aparılıb. Daha sonra isə şirkətin satışa çıxarılması məsələsi müzakirə olunub.
Plaza işçilərinin verdiyi məlumata görə, şirkətin artıq ilk müştərisi var. Müştərinin adı çəkilməsə də, onun türkiyəli iş adamı olduğu deyilir. Məlumat üçün deyək ki, Cahangir Hacıyevə məxsus brend mağaza “Harvey Nichols” və “Simurq”un ofisidə “Globus Plaza”da yerləşirdi. Onu da bildirək ki, “Harvey Nichols” brendi adına xələl gətirdiyi üçün C.Hacıyevə verdiyi françayzinq səlahiyyətlərini geri götürüb.
