"APOEL-i məğlub etməyimiz böyük uğur idi və Azərbaycan futbolu tarixində ilk dəfə hansısa klub Avropa Liqasının qrup mərhələsinə vəsiqə qazandı. Bunun özü də ölkə klubları arasındakı rəqabəti artırdı. Həmin qələbəni gecə yarısına kimi qeyd etdik. Oyuna gəlincə, sübut etdik ki, APOEL-dən güclüyük. Unutmayaq ki, rəqib ötən mövsüm Çempionlar Liqasında ¼ finala qədər getmiş bir komandadır".
Korner.az-ın məlumatına görə, bu sözləri "Neftçi"nin qapıçısı Saşa Stamenkoviç deyib. Serb qolkiper sabah Avropa Liqasının qrup mərhələsinin II turu çərçivəsində “İnter”lə oyunöncəsi vətəninin “Sportski” jurnalına müsahibə verərkən "neradzura" haqda da fikirlərini bildirib:
"Prinsipcə, hamı qrupun favoriti kimi, “İnter”i göstərir. Ümumiyyətlə, “İnter” kimi komandalar istənilən qrupda favorit göstərilir. Qalan komandalar isə həmişə ikincilik uğurunda mübarizə aparırlar. Ancaq təbii ki, meydançaya çıxırsansa, uduzmaq üçün çıxmırsan. Mübarizə aparmalısan, futbolda hər şey olur".
