Topaz Premyer Liqasının VII turunda “Səbail” “Sumqayıt”I qəbul edib. Matç qonaqların 2:0 hesablı qələbəsi ilə başa çatıb.
Oyundan sonra baş tutan mətbuat konfransında meydan sahiblərini baş məşqçisi Samir Əliyev oyun haqda fikirlərini bildirib.
“Sumqayıtın biuzə qarşı belə futbol oynamasını gözləmirdik. 5li müdafiə ilə oynadılar. Oyuna qələbə əzmi ilə çıxmışdıq. Təəssüflər olsun ki erkən qol buraxdıq bu bizdə adət olub. Uşaqlarda özgüvən bu qoldan sonra itdi. Ancaq sonradan toparlana bildik. Komandada sonluq çatışmır. Qol vəziyyətləri yarada bilirik. Sonra da sonluq gətirə bilmirik.”
Təcrübəli mütəxəssis daha sonra jurnalistlərin suallarını cavablandırıb.
– “Səbail” bu gün ən zəif oyununu oynadı…
– Oynadıqca rəqiblər bizi təhlil edir. Bu səbəbdən hər oyun daha çətinlik çəkirik. Sevindirici məqamda var ki, komandaların əksəriyyəti bizə qarşı müdafiə futbolu oynayır. Bizdən çəkinirlər və təbii ki, bu bizi sevindirir.
