“Səbail”də yeni müqavilə
04.06.2024 , 15:01
2024/25-ci illər mövsümü üçün transfer çalışmalarını davam etdirən “Səbail” futbolçusu Yusif Nəbiyevlə müqavilə müddətini artırıb.
Korner.az klubun mətbuat xidmətinə istinadən xəbər verir ki, 26 yaşlı futbolçu ilə 1 illik anlaşma əldə olunub.
Müdafiəçi 2023-cü ilin yayından etibarən “dənizçilər”in formasını geyinir. Nəbiyev ötən mövsüm “Səbail”də Misli Premyer Liqasında 34, Azərbaycan Kubokunda 3 oyuna çıxıb. Oyunçu bu görüşlərdə 5 qol vurub və eyni sayda məhsuldar ötürmə edib.
