Rövnəq Abdullayev Canni De Byazi ilə görüşüb – FOTO
19.08.2020 , 18:05
Azərbaycan Futbol Federasiyaları Assosiasiyasının (AFFA) prezidenti Rövnəq Abdullayev milli komandanın baş məşqçisi Canni De Byazi ilə görüşüb.
Korner.az xəbər verir ki, assosiasiya rəhbəri italiyalı mütəxəssisə yeni fəliyyətə başladığı işində uğurlar arzulayıb.
Canni De Byazi Bakıda olduğu müddətdə Premyer Liqa klublarının iştirakı ilə keçirilmş yoxlama oyunlarını və bir neçə klubun məşq prosesini izlədiyi barədə məlumat verib. UEFA Millətlər Liqası çərçivəsində keçiriləcək oyunlara hazırlıqla bağlı fikir mübadiləsi aparılıb.
AFFA-nın vitse-prezidenti Elşad Nəsirov və icraçı vitse-prezident Elxan Məmmədov görüşdə iştirak edib.
