Yeni mövsümə hazırlıqlarını Avstriyada davam etdirən “Bakı”nın ötən gün Serbiya “Donji Srem”i ilə yoxlama matçında qalmaqal yaşanıb.
Korner.az-ın məlumatına görə, xoşagəlməz hadisəyə səbəb Rauf Əliyev olub.
Belə ki, “Bakı”nın 1:4 hesabı ilə məğlub olduğu görüşün 88-ci dəqiqəsində “zolaqlılar”ın forvardı rəqib futbolçu Milasinoviçi itələyib. Əliyev özünü hadisə yerinə çatdıran hakim Manfred Krsniçə qarşı da eyni hərəkət edib. Məzh bundan sonra hakim oyunu dayandırıb. Qarşılaşma isə ümumilikdə kobud məcrada keçib. Bunun məntiqi nəticəsi kimi Aleksandr Şoliç əvəzlənmək şərti ilə meydandan qovulub.
