Azərbaycan əsilli döyüşçü Zabit Səmədov bu gecə əldə etdiyi qələbəyə görə hər kəsə təşəkkür edib.
Korner.az-ın məlumatına görə, həmyerlimiz rəsmi Facebook səhifəsindən paylaşdığı statusda ona dəstək olan və azarkeşlik edən hər kəsə, həmyerlilərimizə minnətdarlığını bildirib.
“Mənim qardaşım Ramzan Kadırova, mənə etdiyi hədiyyəyə, bu revanş döyüşün baş tutmasına görə təşəkkür edirəm. Bir daha mənə verdiyiniz dəyərə görə çox sağ olun”.
Çeçenistanın lideri Ramzan Kadırov həmyerlimizə qələbə qazandığı üçün son model “Mercedes” bağışlayıb. Zabit isə 150 min dollar qiymətində olan avtomobilin şəkilini öz səhifəsində paylaşaraq Kadırova təşəkkür edib.
