Ötən həftə məşq zamanı ağır zədə alan və ön çarpaz bağları qırılan “Qəbələ”nin futbolçusu Rail Məlikov İstanbulda – “Acıbadem” Fulya Xəstəxanasında əməliyyat olunub.
Korner.az-ın klubun saytına istinadən verdiyi məlumata görə, travmotoloq-cərrah professor Ömer Taşerin rəhbərliyi altında gerçəkləşdirilən əməliyyat uğurla sona çatıb. Əməliyyatın ardından futbolçunun bərpa prosesinin sürətləndirilməsi məqsədilə fizioreabitoloji müalicəyə start verilib.
Məlikovun 5 ay sonra yaşıl meydanlara dönməsi gözlənilir.
