Topaz Premyer Liqasının 28-ci turu çərçivəsində “İnter” “Rəvan”la qarşılaşdı və 3:0 hesabıyla qalib gəldi.
Korner.az klub saytına istinadən xəbər verir ki, “Rəvan” indiyədək “İnter”dən bir xal belə ala bilməyib.
Belə ki, keçirilən 8 qarşılaşma “İnter”in qələbəsilə başa çatıb. Qeyd edək ki, komandalar artıq son iki mövsümdə üz-üzə gəlir. Lakin “Rəvan” indiyədək Kaxaber Sxadadzenin komandasıyla keçirilən oyunlarda xal qazana bilməyib.
“İnter” rəqibini 4 dəfə ev oyununda və 4 dəfə də səfərdə məğlub edib. Vurulmuş və buraxılmış topların fərqi 20-5-di. “Bankirlər”in ən böyükhesablı qələbəsi ötən ilin avqust ayına təsadüf edir. Həmin qarşılaşmada “İnter” rəqibini 1:5 hesabıyla məğlub etmişdi.
“İnter” və “Rəvan” qarşılaşmalarının tarixində ən yaxşı bombardir Baçana Sxadadzedir. Dünən matçda vurduğu qol gürcüstanlı bombardirin sayca 7-ci qolu oldu. Maraqlıdı ki, bu mövsüm Sxadadze “Rəvan”ın qapısına 5 dəfə yol tapa bilib.
