Türkiyənin "Fənərbağça" klubu nəhayət ki, gözlənilən transferi etdi. "Sarı bülbüllər" İtaliya A seriyasının son qalibi "Yuventus"un futbolçusu Milos Krasiçi rənglərinə bağlamağa müvəffəq oldu. "Fənər"lə 4 illik müqaviləyə imza atan Krasiç ölkəsindən qayıtdıqdan sonra Türkiyə mətbuatına maraqlı açıqlamalar verib.
"Əfsanə olmaq istəyirəm"
"Məni burada yaxşı qarşıladılar. "Fənərbağça"ya gəlməmişdən öncə Reto Ziglerdən və Superliqada top qovan bəzi futbolçulardan məlumat toplamışdım. Hamsı mənə "Fənər"in böyük bir klub olduğunu bildirdilər.
– Klubun tarixində əfsanə olmaq istəyirəm. "Fənərbağça"nın illər öncə formasını geyinmiş Radomir Antiç, Todor Veselinoviç, Zoran Mirkoviç, Nikola Lazetiç ve Mateja Kezman kimi futbolçuların hələ də unudulmadığını gördüm. İnanıram ki, mən də belələrindən biri olacağam.
Rəqiblərinə gözdağı verdi
"Rəqiblərimin demək olar ki, hamısı mənim necə futbolçu olduğumu, oyun stilimi və sağ cinahdan necə hücuma keçdiklərimi bilirlər. Ancaq bu hərəkətlərimi bildikləri hal da, yenə məni tuta bilmirlər. Bunu sizə başa salmaqda çətinlik çəkirəm. Çünki niyəsini belə özüm bilmirəm".
Aleks haqda…
– Xüsusən də, kapitan Aleks çox güclü və meydanda nə etdiyini bilən futbolçudur. Onunla "Fənərbağça"da oynamaq mənim üçün keyifli olacaq.
Çempionlar Liqasında mərhəl şansları…
– "Rumıniyada mərhələni keçəcəyik. İlk oyunda öz meydanımızda "Vasluy" ilə 1:1-lik heç-heçə etməyimiz məntiqsizdir. Hesab olaraq bu rəqibi qane edən nəticədir, Ancaq mən belə düşünürəm ki, cavab matçında revanş alaraq, turu keçəcəyik. Çünki bu iki klub arasında keyfiyyət olaraq çox böyük fərq var.
"Melo yaman hiyləgər imiş"
– İtalyan klubundan ayrılaraq "Fənərbağça" ilə 4 illik müqavilə bağlayan Krasiç, sabiq komanda yoldaşı Felipe Melonun "Qalatasaray"a dönüb-dönməyəcəyini maraqla gözləyir.Serbiyalı futbolçu Melonun "cim-bom"a dönməsi üçün qardaşına da, klub tapılmasını şərt kimi irəli sürməsi haqda gəzən iddialara belə münasibət bildirib: "Melo yaman hiyləgər imiş"
Səxavət QURBANOV
