“Qarabağ”ın Lüksemburqda son məşqinin vaxtı bilindi
02.10.2019 , 14:12
Avropa Liqasının qrup mərhələsinin II turunda baş tutacaq “Düdelanj” (Lüksemburq) – “Qarabağ” qarşılaşmasından öncə keçiriləcək son məşq və mətbuat konfranslarının vaxtı açıqlanıb.
Ağdam klubunun baş məşqçisi Qurban Qurbanov bu gün Bakı vaxtıyla saat 20:45-də media mənsublarının önünə çıxacaq. Komandanın son məşqi isə saat 21:00-da qarşılaşmanın keçiriləcəyi “Jozi Bartel” stadionunda baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq.
Sabah baş tutacaq “Düdelanj” – “Qarabağ” matçına saat 23:00-da start veriləcək.
