“Qarabağ”ın casusları “Ayntraxt” – “Bavariya” oyununda

“Qarabağ”ın baş məşqçisinin köməkçisi Elçin Rəhmanov və klubun mətbuat xidmətinin rəhbəri Nurlan İbrahimov sabah Almaniyaya səfər edəcəklər.

Korner.az-ın məlumatına görə, “Qarabağ”ın casusları Almaniya Bundesliqasının 2-ci turunda baş tutacaq “Ayntraxt” – “Bavariya” qarşılaşmasını izləyəcəklər.

“Qarabağ” nümayəndələrinin Frankfurta səfərində məqsəd rəqibin oyununu yaxından izləyib yetərli məlumat toplamaqdır.