Makedoniya milli komandasının heyəti açıqlanıb.
Korner.az-ın məlumatına görə, baş məşqçi Boşko Curovski Latviya ilə martın 5-də baş tutacaq oyuna 22 futbolçu dəvət edib.
Çalışdırıcı Azərbaycan Premyer Liqasını da yaddan çıxartmayıb. Belə ki, ölkəmizdən Makedoniya yığmasına 2 oyunçu çağırılıb. “Qarabağ”ın yarımmüdafiəçisi Muarem Muarem və “Xəzər Lənkəran”ın hücumçusu Deyan Blajevski Latviya ilə oyunun heyətində yer alıb.
Qeyd edək ki, ilk dəfə “Xəzər Lənkəran”ın sabiq baş məşqçisi Con Toşakın vaxtında yığmaya çağırılan Muarem millidə indiyədək 4 oyun keçirib. Blajevski isə 2 oyun keçirib və 1 qol vurub. Deyan həmin qolu 2012-ci ilin dekabrın 14-də Polşa yığmasının qapısından keçirib.
