“Partizan” bir-birinə bıçaq çıxaran azarkeşlərinə görə cəzalandı

Serbiya çempionatının ötən turu çərçivəsində OFK "Beoqrad"la qarşılaşan "Partizan" ölkənin futbol federasiyası tərəfindən cəzalandırılıb.

Korner. az Serbiya mətbuatına istinadən xəbər verir ki, buna səbəb qarşılaşma zamanı "Partizan"lı azarkeşlərin bir-birinin üstünə bıçaq çəkmələridi.

Cəza pul cəriməsindən – 500 min dinardan (təxminən 4250 manat) ibarətdi. Bundan başqa, "ağ-qaralar" iki səfər oyununa azarkeş aparmaqdan məhrum ediliblər. Eyni zamanda, OFK "Beoqrad" meydan sahibi komanda kimi iğtişaşa görə 100 min dinar cərimə edilib.