“Neftçi” olan-qalan 3-5 azarkeşindən də imtina edir. Bəli, hansı ki, azarkeş toplamaq misiyasını həyata keçirməli olan “xalq komandası” indi öz azarkeşini tanımamazlıqdan gəlir, onu kənar şəxs adlandırır.
Azarkeşinə sahib çıxması bir yana, klub yaydığı bəyanatla “Təəssüf ki, azarkeşlərimizlə ünsiyyət zamanı başqa sektordan kənar şəxs meydançaya daxil olmuş və futbolçuların üstünə hücum çəkmişdir”, – deyə car çəkir.
Nədir bunun adı? Müşahidə Şurasının “bağının bəhrəsi” budurmu?
Sənin azarkeşin müqavilə ilə “ağ-qara” formaya bağlanmayan, yüz minlər qatlayan şəxs deyil. O, sonuncu pulunu sevdiyi komandasının oyunu üçün bilet alaraq, özünü yormaq istəyən kəsdir. Bu komandanı pul, “kreslo” xatirinə sevməyən, lazım olsa, hər şeyindən keçəcək şəxsdir.
Futbolçularının yüz minlərlə qiyməti olan komandanın azarkeşinə verdiyi qiymət göz qarşısındadır.
P.S. Azarkeşindən imtina edənlər birdəfəlik klubdan imtina edib getsələr, daha yaxşı olmazmı?
