“Neftçi”nin yarımmüdafiəçisi Mirhüseyn Seyidov Azərbaycan Premyer Liqasının 23-cü turunda qarşılaşacaqları “Qarabağ”la görüşdə iştirak edə bilməyəcək.
Korner.az-ın məlumatına görə, bu barədə Qol.Az saytına açıqlamasında futbolçunun özü məlumat verib.
M.Seyidov zədəli olduğu üçün “Qarabağ”la önəmli oyunu buraxacağını bildirib. Premyer Liqanın 22-ci turunda “Qəbələ” ilə oyunda (3:1) zədələnən futbolçu dünənki məşqdə də iştirak etməyib.
Qeyd edək ki, sabah “Bakcell Arena”da keçiriləcək “Neftçi” – “Qarabağ” oyunu saat 19:00-da başlayacaq.