Premyer Liqada son 25 ilin rekordu
06.05.2024 , 10:55
![](https://korner.az/wp-content/uploads/2024/05/IMG_9870.png)
“Qarabağ” Azərbaycan Premyer Liqasının 2023/24 mövsümündə vurduğu ev qollarının sayını 50-yə çatdırıb.
Korner.az xəbər verir ki, Qurban Qurbanovun komandası buna 33-cü turda nail olub. “Neftçi” üzərində 5:0 hesablı qələbə ilə öz meydanındakı qol sayı 50-yə yüksəlib.
Bu, klubun tarixində yeni rekorddur. Ağdam təmsilçisi 2021/22 mövsümündə evdə 47 qol vurmuşdu.
Bu, həm də Azərbaycan çempionatlarında son 25 ilin rekordudur. Yarışın tarixinin mütləq rekordu isə Sumqayıt “Xəzər”inə məxsusdur. 1992-ci ildə sumqayıtlılar qonaqların qapısından 70 top keçiriblər.
![](https://korner.az/wp-content/uploads/2018/06/korner-logo.png)