“Qarabağ”ın braziliyalı yarımmüdafiəçisi Cumbinyo növbəti dəfə əməliyyat olunub.
Korner.az-ın məlumatına görə, bu haqda Qol.Az-a klubun mətbuat xidmətindən bildirilib.
Mövsümü əvvəlində dizindən zədə aldığı üçün bir dəfə əməliyyat olunan və altı aylığına sıradan çıxan təcrübəli futbolçunun bu günlərdə vətəni Braziliyada ikinci dəfə əməliyyat edilib.
Zədəsi ciddi olan Cumbinyo üçün bu mövsüm indidən başa çatıb. Klubdan bildirilib ki, o, ən yaxşı halda bu yay yaşıl meydana qayıda bilər. Həkimlərin ilkin diaqnozuna görə, Cumbinyo altı ay futbol oynaya bilməyəcək.
Əlavə edək ki, Cumbinyonun “Qarabağ”la müqaviləsinin müddəti bu ilin may ayının sonunda başa çatır.
