Azərbaycanın 21 yaşılardan ibarət milli komandasının və AZAL-ın futbolçusu Ruslan Tağızadənin Korner.az saytına müsahibəsi
– Dünən Moldova ilə oyunda heç-heçə etdiniz. Millimizn qələbə qazana bilməməsinin səbəbi nə idi?
Bu oyuna ciddi hazırlaşmışdıq. Rəqibə çətin anlar yaşatdıq. Ancaq heyif ki, qələbəni qoruyub saxlaya bilmədik. İstər birinci, istərsə də, ikinci hissədə bir neçə qol imkanlarımız oldu. Lakin bu şansımızı boşa verdik.
– Hesabı qoruyub saxlamağınıza nə mane oldu?
İlk hissədə daha yaxşı oynadıq. İkinci yarıda oyunumuzu itirdik. Bunun nəticəsində qapımızda qol gördük. İlk yarıdakı imkanlarımızı yaxşı dəyərləndirə bilmədik. Nəticədə oyun heç-heçə bitdi.
– Dünən yəqin əsas millinin oyununu izləmisən. Bu oyunla bağlı sənin fikirlərini bilmək istəyərdim.
Məncə səfərdə heç-heçə heç də, pis nəticə deyil. Düzdü qələbə qazana bilərdik. Son saniyələrdə daha diqqətli oynasaydıq qələbə qazanacağdıq.
– Özünü əsas milliyə hazır sayırsanmı?
Bəli. Əgər mənə şans verilsə özümü doğrultmağa çalışacam. Lakin niyə çağırılmadığımı Foqtsdan soruşsaz yaxşı olar.
– Premyer Liqanın 13-cü turu çərçivəsində səfərdə "Rəvan"la qarşılaşacaqsınız. AZAL bu uğursuz gedişə son qoya biləcəkmi?
Son turda məğlub olduğumuzdan "Rəvan"la oyuna ciddi hazırlaşırıq. Hədəfimiz yalnız və yalnız qələbədi.
– AZAL Premyer Liqaya uğurlu start götürsə də, sonradan bu qələbələrin ardı gəlmədi. Bunun səbəbi nədi?
Çempionata yaxşı start götürmüşdük. Sonradan isə, oyunumuz alınmırdı. Lakin bu hər komanda da, ola bilər. Çalışacağıq ki, "Rəvan"la oyunda bu uğursuzluğa son qoyaq.
Səxavət QURBANOV
