"Üç il öncə "Qarabağ"la oyun mənim üçün xüsusi əhəmiyyət daşıyırdı. Çünki həmin vaxt Avrobukolarda debüt matçıma çıxmışdım. Təəssüf ki, Bakıda 1:4 hesabı ilə uduzduq".
Korner.az-ın məlumatına görə, bu sözləri Makedoniyanın "Metallurq" klubunun hücumçusu Marko Simonovski Avropa Liqasının I təsnifat mərhələsi çərçivəsində qarşılaşacaqları "Qarabağ"la oyun haqda danışarkən deyib.
21 yaşlı forvard "Qarabağ"ı məğlub edə biləcəklərini düşünür:
"Bununla belə, "Qarabağ"la oyunun son 15 dəqiqəsində meydana çıxdım və matçın bitməsinə saniyələr qalmış avrokuboklarda ilk qolumu vurdum. Ancaq bu qol təsəllidən başqa bir şey olmadı. Ümid edirəm ki, bu dəfə "Qarabağ"a daha çox qol vuracağam və məhz bu da bizi növbəti mərhələyə daşıyacaq".
