La Liqanın 13-cü turunda oynanılan "Atletiko Madrid" – "Deportivo" matçı öncəsi hər iki komandanın azarkeşləri arasında dava düşüb.
Korner.az-ın məlumatına əsasən, dava nəticəsində 1 nəfər həlak olub, 11 azarkeş və 1 polis isə xəsarət alıb.
Çaxnaşmada yaxınlıqdakı Manzanares çayına atılan 30 yaşlı azarkeş polislər tərəfindən çıxarılıb ilk yardım göstərildikdən sonra xəstəxanaya çatdırılsa da, gəncin ürəyi dayanıb.
Qeyd edək ki, bugünkü hadisə ilə birlikdə İspaniya futbolunda 1980-ci ildən bu yana azarkeşlər arasında yaranan qarşıdurma nəticəsində ölənlərin sayı 11-ə yüksəldi.
