Noyabrın 4-16-ı aralığında Qazaxıstanın Almatı şəhərində keçiriləcək ağır atletika üzrə dünya çempionatında klubumuzun Moldova və Bolqarıstan filiallarının nümayəndələri də çıxış edirlər. Onlardan “Kişinyov-Zirvə” Klubunun ağır atletlərindən bəziləri körpücük üzərinə çıxıblar.
Korner.az xəbər verir ki, kişilərin mübarizəsində 69 kq çəki dərəcəsində Sergey Çeşir çıxış edib. O, birdən qaldırmada 142 kq-ın öhdəsindən gələrək iddiasını ortaya qoysa da, təkanla qaldırmada “sıfır” nəticə göstərərək medal qazanma şansını qaçırıb.
Oleq Sırgi isə 56 kq çəki dərəcəsində mübarizə aparıb. O, birdən qaldırmada 112 kq, təkanla qaldırmada isə 140 kq-la, toplamda 252 kq nəticə göstərib. Bu nəticə ilə o, dünya çempionatında 14-cü yeri tutub.
Digər idmançılar çıxış etdikcə sizi məlumatlandıracağıq.
