Kaxaber Sxadadzeni gözləyən cərimə (RƏQƏMLƏ)

Bu gün Topaz Premyer Liqasının 22-ci turu çərçivəsində keçirilmiş "Qarabağ" – "İnter" oyunundan sonra keçirilən mətbuat konfransına qatılmayan "bankirlər"in baş məşqçisi Kaxaber Sxadadzeni cərimə gözləyir.

Korner.az xəbər verir ki, gürcü çalışdırıcı konfransa qatılmadığına görə 1000 manat cərimə ediləcək.

Qeyd edək ki, bu davranışa görə sanksiya İntizam Kodeksinin 64-cü maddəsinə əsasən tətbiq ediləcək.

İntizam Komitəsinin növbəti toplantısı gələn həftənin əvvəli keçiriləcək.