"Madrid "Atletiko"sunun bura gəlməsi və onlarla oynamağımız gözəl haldı. Belə oyunları şou adlandırırlar. Ancaq meydanda şou olmur. Belə oyunlardan çox olmalıdı. Bir dəfəylə heç bir fuitbolçu nə isə öyrənə bilməz. Bunun ardı gəlməlidir ki, bizim futbolçular da onlardan nə isə öyrənsin".
Bu sözləri Korner.az-a açıqlamasında "Bakı"nın qapıçısı Kamran Ağayev deyib. "Zolaqlılar"ın qolkiperi "Atletiko" ilə yoxlama matçının futbolçulara verə biləcəyi faydalardan danışarkən daha sonra bunları dedi:
"Bizim heyətdə elə futbolçular var idi ki, beynəlxalq oyunlarda meydanlara çıxmayıblar. Gənc futbolçularımız üçün bu əla fürsət idi. İkinci hissədə meydana yalnız təcürbəsiz futbolçular çıxmışdı. Sadəcə Aqil Məmmədov və Nurlan Novruzovu çıxmaq şərti ilə digərləri heç remyer Liqa oyunlarında belə meydana çıxmamışdılar. Belə oyunlar təkcə gənc futbolçulara deyil bizə də lazımdı. Çünki bizim çempionat onların çempionatından dala qalır. Misal üçün "Neftçi" Avropa Liqasının qrup mərhələsində oynamaqla xeyli təcrübə qazandı və bunun nəticəsidir ki, komanda artırıb".
Ağayev daha sonra legioner həyatı yaşaya bilməməsi haqda danışıb:
"Mən demişdim ki, 25 yaşımda legioner həyatı yaşayacam. Artıq 27 yaşım var və xaricdə oynamaqla bağlı dedikıərim alınmadı. İndi mənə Rusiya, Yunanıstan, Belçika kimi ölkələrdən gələn təklifi təbii ki, qəbul etmərəm. Daha doğrusu Almaniya və adlarını çəkdiyim ölkələrin ilk altılıqdan yuxarıda olan komandalarından təklif gəlsə gedə bilərəm. Mənim oyunumu görən görüb".
Paytaxt klubunun qapıçısı "Xəzər Lənkəran"la kubok matçında meydana çıxmamasının səbəbini açıqlamayıb:
"Bu Lənkəranla bağlı məsələdi".
