Döyüldükdən sonra dünyasını dəyişən jurnalist Rasim Əliyevin üzləşdiyi zorakılıq faktı müşahidə kameraları tərəfindən qeydə alınıb.
Korner.az-ın musavat.com-a istinadən verdiyi məlumata görə, bu barədə jurnalistin atasına Səbail payon prokurorunun köməkçisi Əhməd Məmmədov deyib. Prokuror köməkçisi bildirib ki, jurnalistin döyülməsini əks etdirən videogörüntülər artıq əldə edilib.
Prokuror köməkcisi mərhum jurnalistin ailə üzvlərinə onu deyib ki, R.Əliyevi döyərək, ona ağır xəsarətlər yetirən şəxslərdən bir neçəsinin kimliyi də artıq məlumdur.
Və hüquq-mühafizə orqanları hazırda həmin şəxslərin həbs olunması istiqamətində əməliyyata başlayıblar.
