İspaniya Sequnda Liqasında 34-cü turun oyunları keçirilib.
Korner.az-ın məlumatına görə, azərbaycanlı futbolçu Eddi Paskal İsrafilovun komandası “Real Mursiya” doğma meydanda “Luqa” ilə qarşılaşıb.
Qarşılaşma meydan sahiblərinin 3:1 hesablı qələbəsi ilə başa çatıb. Eddi start heyətdə meydana çıxıb və 90 dəqiqə mübarizə aparıb.
Hazırda “Real Mursiya” 50 xalla yarış cədvəlinin 7-ci sırasında qərarlaşıb.